عمرو الليثى: الفنان عبدالله مشرف خفة دمة مالهاش حدود وموهبته خرافية

قال الإعلامى دكتور عمرو الليثى بمقدمة برنامجه واحد من الناس على شاشة الحياة ، إن عبدالله مشرف، فنان بدرجة أستاذ فى فن الطيبة تحس إنه جارك أو صاحبك أو حد قريب منك ، نجوميته من نوع خاص جدا ، واستطاع أن يحقق شهرة ونجاح والأهم حب الناس ، خفة دمة مالهاش حدود وموهبته خرافية مجرد ظهورة على الشاشة بيرسم الابتسامة.

و تابع الليثى، أما تجسيده للشخصيات فحكاية مالهاش أول ولا آخر مفيش كاراكتر يعرف يهرب من امكانياته ، ومفيش شخصية قدرت تفلت من قدراته ، وجوده فى أى عمل بيسيب علامة حتى لو مشهد واحد أو جملة واحدة ، مين فينا مش بيحبه ، مين فينا ما بيشبعش من طلته ، مين فينا مش بيصفق له فى مشاهد عبقرية كوميدية ببساطة وعفوية.