شريف منير: «أنا بحب ويجز.. شاطر ومجتهد»

علق الفنان شريف منير على موسيقى الاندر جراوند والمهرجانات قائلاً : بالمناسبة أنا بحب " ويجز " لانه شاطر ومجتهد وبيقول كلام كويس ومش وحش ". 

 

ورداً على سؤال الاعلامية لميس الحديدي حول التناقض بين كونه معايش لصلاح جاهين ثم الانتقال لويجز قال : أعتقد لو كان الاستاذ صلاح جاهين عايش كان هيحب ويجز ..لان الموضوع الي شغال دلوقتي فيه لبس ولخبطة ومحدش محددها "
مشيراً إلى أن الفنان هاني شاكر ليس بوسعه منع موسيقى بعينها قائلاً : " ماينفعش يمنع موسيقى ولو حد عنده طاقة غنائية كويسة وبيعرف يغني وحتى لو صوته أجش زي " IAM STRONH وكان فيه ممدوح قاسم في فرقة المصريين عندهم اصوات جشة بس خامات صوتهم كويسة ". 

واصل : "اعتقد أن خامة الصوت نوع الموسيقى مش هينفع تتغير وأعتقد أن الاستاذ هاني شاكر مش بيتكلم عن الموسيقى او الصوت لكن على الكلام ". 

إستطرد في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON قائلاً : الي يعرف يغني يغني بالعكس مغني المهرجات والشعبي ليه شعبية كبيرة ممكن من خلال أغانيه يغير جيل لكن الكلمات البذيئة غلط وماتنفعش .. الفن كله منفذ على بعضه لو سمعنا سيموفنية ممكن حد مايتقبلهاش لو مابيحبش فن الاوبرا فالمسالة اذواق ". 

مشدداً على أنه ضد المنع في فئة الاغاني التي تنتقي كلماتها قائلاً : ضد منع المغنيين الي بيغنوا كويس لكن مع منع الكلام الخارج الي يبوظ جيل بمفراداته الوحشة ".