منة عرفة تحسم الجدل حول رجوعها لزوجها محمود المهدي: الطلاق بيتهز له عرش الرحمن

خرجت الممثلة الشابة منة عرفة عن صمتها لترد على الشامتين فيها بعد إعلانها خبر انفصالها عن زوجها محمود المهدي قبل زفافهما بأيام، وذلك من خلال خاصية القصص المصورة "ستوري" عبر حسابها الشخصي بموقع تبادل الصور والفيديوهات "انستجرام".

وكتبت "منة": "من أصعب اللحظات اللي ممكن تعدي على أى ست لحظة الإنفصال وخراب البيت، الطلاق بيتهز له عرش الرحمن .. لكن انتوا يمكن عشان بتسمعوا عن بيوت بتتخرب كل دقيقة ف بقى ابغض الحلال عند الله بنسبالكم نكتة او حاجة تتمسخروا عليها".

 

وأضافت:"خراب البيت عمره ما كان حاجة سهلة على الست او على الراجل او على اهالينا ،في عز ضعفي وحزني وكسرتي مرحمتونيش وشمتانين فيا اد ايه انتوا ناس متعرفوش ربنا".

وأردفت: "دي غلطتي انا اني شاركتكم حياتي الشخصية الانسان بيغلط عشان يتعلم وانا اتعلمت ربنا يعينكوا على نفسيتكوا الجحيم دي وعسى ان تكرهوا شيئاً وهو خير لكم".

 

واختتمت رسالتها قائلة: "الخلاف اللي حصل كشف لنا ناس كتير كانوا بيمثلوا أنهم فرحانين لينا بس الحقيقي أنهم كانوا بيمثلوا وكانوا مستنيين أول مشكلة علشان يشمتوا في كسرتي وخراب بيتي بس ربنا مش هينولها لكم، وربنا يخليلي اهلي وزوجي والناس اللي بتتمنالي الخير".

 

وكانت أعلنت منة عرفة خبر انفصالها عن زوجها محمود المهدي عبر حسابها الشخصي بموقع "انستجرام" حيث قالت: "كل شئ قسمة ونصيب .. تم الانفصال وربنا يوفق الجميع"، دون الكشف عن أسباب أوتفاصيل الانفصال ما أثار حيرة جمهورها ومتابعيها متسائلين عن الأمر.

وفي سياق متصل، أكد محمود المهدي خبر الانفصال قائلاً: "تم الانفصال .. كل حاجة قسمة ونصيب .. وربنا يوفقها في حياتها اللي اختارتها"، وذلك عبر حسابه الرسمي بموقع تبادل الصور والفيديوهات "إنستجرام".