سمية الخشاب تثير الجدل: ”الراجل لو أتأخر في الشارع ممكن يغتصب زي البنت”

أثارت الفنانة سمية الخشاب حالة من الجدل الواسع بعد نشرها تغريدة على حسابها على تويتر قالت فيها:«‏لا لو في قانون فالبيت يبقي يتطبق على الولد زي البنت، يعني هو ميباتش برا ويعمل كل اللي نفسه فيه وهي تتحبس لمجرد انها»بنت«، الاتنين يتعاملوا زي بعض».

واضافت:«أخوكى يتأخر زى ما هو عايز، ده ولد، لو البيت له قانون يبقي يتطبق على كل افراد البيت، مش على البنت بس والولد لا، زي ما البنت ممكن تغلط الولد بيغلط برضه الاتنين»بني آدمين«.
وردت عليها أحدي متابعاتها وقالت:«‏‎خلاص يا ستى لما بنتك تتصل بيكى الساعه ٢ بالليل تقولك انا مع صاحبى يا مامى واخويا مع صحبته اهو ماتقلقيش علينا وبكدة انتى اطمنتى».
وردت عليها«سمية» وكتبت :«‏‎مفيش حد بيسيب عياله لحد ٢ بالليل حتي لو ولاد إلا لو عارف هما فين وعند مين، أو لو مش مهتم اصلا.».
ورد عليها آخر وقال:«‏‎يعنى فكرك لو الولد اتاخر حد هيعاكسه،حد ممكن يفكر يغتصبه مثلا ؟، الكلام بالعقل يافنانه،، وكان رد سمية عليه ‏بيحصل انت مش عايش فالدنيا ولا ايه؟».