«جبر الخواطر حلو أوي».. ممثلة شابة تهاجم صفية العمري

شنت الفنانة منة جلال هجوما حادا على الفنانة صفية العمري بسبب تصريحاتها التي أدلت بها أمس عقب عرض الفيلم القصير "كان لك معايا" وتكريمها في مهرجان الإسماعيلية للسينما التسجيلية والقصيرة في دورته الـ22.

 

نشرت منة، على حسابها الشخصي بموقع تبادل الصور والفيديوهات إنستجرام صورة من الندوة التي أعقبت الفيلم وتضم الفنانة صفية العمري والناقد طارق الشناوي مدير الندوة، وعلقت عليها قائلة : "مدام صفية العمري مع حبي واحترامى لحضرتك وحضرتك بالنسبة لي كنتي أيقونة الفن اللي حلمت امثل معاها.. بس انا عايزة أوضح شوية حاجات تخص فيلم "كان لك معايا"، حضرتك قولتي انك بتدعمي الشباب، أنهي شباب اللي حضرتك بتدعميهم، حضرتك بعد تاني يوم من عرض الفليم رفضتي تطلعي مع أسرة الفيلم في أي لقاء تليفزيوني وكان أولهم برنامج واحد من الناس مع الإعلامى عمرو الليثي وبعدها توالت البرامج وحضرتك رفضتي تحضري حتي الندوة رفضتي تحضري أي حاجة تخص الفيلم".

 

وتابعت: "حضرتك إتكرمتي النهاردة من مهرجان الإسماعيلية على الفيلم وقبلها مهرجان فاتن حمامة في لندن وكل ده اللي عمله الفيلم لحضرتك وحضرتك تجاهلتي الفليم تماما.. وتجاهلتيني أنا شخصيا في الفيلم برغم إني بعمل شخصية حضرتك وهي صغيرة".

 

وأضافت الفنانة الشابة: "أستاذ محمود قابيل اللي فعلا بيدعم الشباب من قلبه وبيدعمني وأول مانزل مصر وإتقال له على ندوة، رحب جدا، وللعلم أستاذ محمود لم يتقاضي أى أجر في الفليم لدعمه للشباب، بس جبر الخواطر حلو قوي. شكرا مدام صفية وأستاذ محمد الباسوسي على دعمكم للشباب والتجاهل حتي بذكر اسمهم".

 

جدير بالذكر أن الفيلم القصير كان لك معايا بطولة صفية العمري ومحمود قابيل ومنة جلال ولبني ونس ومن إخراج روجينا بسالي.