حورية فرغلي: ”محدش بيعاكسني وأنا مش هدلل على نفسي”

قالت الفنانة حورية فرغلي: ”الشللية تسيطر على الوسط الفني والموهوب ملهوش مكان فيها، وأنا عمري ما حد بعتلي دعوة لحضور مهرجان فني أو سينمائي برغم من نجوميتي والأعمال المميزة اللي شاركت فيها”.

وأضاف خلال لقائها ببرنامج ”التاسعة” الذي يقدمه الإعلامي يوسف الحسيني بالقناة الأولى: ”أنا ضد تكوين شلة حورية فرغلي لأن من حق كل الفنانين ومنهم الشباب إنهم يشتغلوا ومهمتي تقتصر على الوقوف أمام الكاميرا”.

وعن فكرة زواجها، قالت حورية فرغلي: ”هيا صعبة شوية لأني عندي 44 سنة ولكن لو لقيت البني آدم اللي مقدرش أتنفس الهواء من غيره هعمله كل اللي هو عايزه بما فيها اعتزال التمثيل”.

وأكملت: ”البني آدم اللي بيحبيني وأنا مكرمشة هو اللي هيبقالي ولما أموت يدعيلي ويتحملني في مرضي ولكن ملقتهوش لحد دلوقتي”.

واستطرد: ”لما أحس أن شكلي مش كويس والناس مش هيحبوه هختفى من مشهد التمثيل”.

وأردفت: ”حاولت كتير أكوّن أسرة ولكنى فشلت أنا حتى محدش بيحاول يعاكسني وأنا مش هدلل على نفسي”.