أحمد يونس يكشف سبب رفضه الإحتفال بعيد الأم في برامجه : وحشاني كلمة ماما

بكلمات مؤثرة كشف الإذاعي أحمد يونس عن سر رفضه تخصيص حلقات من برامجه عن عيد الأم وقال" يونس" علي حسابه الشخصي بموقع الإنستجرام : من القلب بجد

كل سنه في الايام دي كنت بحتفل بعيد الام في برامجي الليليه أو الصباحيه إحتفالات عظيمه تكريما لكن لحد أخر كام سنه كده بدأت أقلل الاحتفال جدا إحتراما لمشاعر كل حد فقد والدتة والسنه اللي فاتت تحديدا إعتبرت عيد الام أصلا مجاش ومذكرتوش ولا جبت سيرته تقديرا لمشاعر الغير وطلعت وقولت قللوا بوستات الإحتفال والإحتفاء بالأم وكأني قلبي كان حاسس ان السنه دي هجرب يعني ايه عيد أم بدون أمي لأول مره بس من واقع تجربة مريره لحد فقد أمه اللي هو أنا

وأضاف : وده من حوالي شهرين بقول لكل واحد أمه منوره حياته أرجوووووك فرحها وإسعدها وإحتفل بيها وكرمها وقدرها انت عندك كنز باااارب يبارك لك فيه وأنا واحد من الناس لو شوفتك عامل لها فرح على السوشيال ميديا عمري ما هزعل بالعكس هعتبرها أمي أنا كمان وهدخل أظيط في الظيطه عشان بصراحه أنا واحشني اقول وانطق كلمة ماما وبتلكك ونفسي أقولها لأي حد ده انا ساعات بقفل الاوضه وأجرب أقولها لوحدي ده رايي كيونس ولكن كل حد هنا رايه فرق راسي