”أنا دولة ” أول أغنية ضد التحرش .. و”مروة” : إستغرقت 7 أشهر ويشارك فيها 122 شخصا

كشفت المطربة مروة ناجي عن أغنية أنا دولة التي إنتهت من تصويرها مؤخرا ومن المقرر إطلاقها 6 مساء بعد غدا الأربعاء وتطرح من خلالها قضية التحرش ونشرت مروة علي حسابها الشخصي بموقع تبادل الصور والفيديوهات إنستجرام صورة تجمعها بالبلوجر علي غزلان وعلقت عليها قائلة : عمرى ما اتكلمت عن تفاصيل أى أغنية نزلتها ليه قبل كدة لكن الغنوة دى بالذات مختلفة ومهمة أوى بالنسبة لى ، لأننا بنقدم كليب بيناقش قضية مهمة فى المجتمع وهى ظاهرة التحرش من جميع الزوايا وبنقدم لها حلول.

وأضافت : كليب أنا دولة بذلنا فيه مجهود وأخذ مننا وقت كبير جدا فى تنفيذه دام حوالى ٧ شهور من مجرد فكرة لكتابة وتلحين وتنفيذ وتصوير ومناقشات واجتماعات . فعلا تعبنا وتعب معانا أكثر من ١٢١ شخص بمنتهى الحب والتفانى ..

وتوجهت مروة بالشكر للفيديو بلوجر على غزلان لأنه هو صاحب الفكرة و تابعت : هو إللى صرف عليها من جيبه الخاص بدون مساعدة من أى حد لمجرد إيمانه بالقضية ،وخلونى أقولكم على مش رابر هو شخص بيحب الراب وبيحب يسمعه ، وأول ما اتعرفت عليه أنا كنت بعيدة تماما عن عالم الأنفلونسرز واليوتيوبرز لكن الناس دى فعلا مجتهدة وشاطرة أوى ومؤثرة جدااا فى جيل الشباب ، وكل الناس اللى تعرفه أوعدكم هتشوفوه بشكل مختلف مفهوش هزار ولا ضحك .

وواصلت : الكليب فعلا فن هادف اللى بنسعى نقدمه ويوصل لكل الناس والفئات العمرية وعرضنا الكليب على المجلس القومى للمرأة وأعجبهم وقرروا يرعوه لإيمانهم بالقضية . وبنشكرهم جداً ويارب الكليب تستفادوا منه قبل ما يعجبكوا .