وقف برنامج تامر أمين ”آخر النهار”بسبب اهانته للصعايدة وأهل الريف

قررت هيئة المكتب بالمجلس الاعلى لتنظيم الإعلام، اليوم الجمعة، وقف برنامج الإعلامي تامر أمين"آخر النهار" الذي يذاع عبر فضائية "النهار" إلى حين استدعائه والتحقيق معه، الأحد المقبل، والتأكيد على ضرورة الالتزام بمدونات النشر التي تحض على تعظيم القيم السلوكية والأخلاقية.

وأكد المجلس، الاحترام الكامل لأهالي الصعيد الذين يمثلون الشهامة والمروءة والرجولة.

وكان تامر أمين،قد قال في برنامجه وقت سابق ""يعني للأسف الشديد وأنا بقول هذا الكلام ومتزعلوش مني في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل ،لا، ده بيخلفوهم عشان العيال دي هي اللي تصرف على الأب والأم، وفيه أسر كتير كتير قوي بيخلف الولد وأول ما الولد ده يبقى عنده 5 أو 6 سنين 7 سنين بالكتير، يقوم هوب راميه على ورشة ورشة سمكرة ،ورشة حداداة، ورشة دوكو،ورشة إصلاح سيارات، يشتغل فواعلي، يشتغل في البنا، يشتغل في المعمار، المهم يشتغل واللي بنسميه إعلاميا بلية، عارفين الواد بلية، اللي هو صبي المعلم وصبي الأسطى، فيروح والأسطى آخر الشهر يديله 500 جنيه أو 1000 جنيه أو 700 جنيه، ماهو واد صغير 7 سنين، وياخد الواد الصغير الألف جنيه ويعمل إيه، يروح يرميهم في حجر ابوه".

وأضاف تامر أمين قائلا"ده الولاد، طب جاني بنت، هغلب؟ لا، هدخلها المدرسة؟ لا، أول ما تبقى 8 أو 9 سنين أشحن تشتغل في البيوت، وفيه أزمة في القاهرة والإسكندرية والمحافظات الكبرى في الخادمات والعاملات في المنزل، فاشحن فالبنت لا تستمتع بطفولتها وبالبراءة بتاعتها ويطلع عنيها.