على غرار مسلسل «ويبقى الآثر».. نصائح الخبراء للتعامل مع الزوج «ابن أمه»

أثار الفنان مصطفى درويش الجدل على موقع التواصل الإجتماعي الفيس بوك منذ بداية عرض حكاية ويبقى الأثر من مسلسل إلا أنا، وهوالحكاية السادسة لدوره مع أمه وإطاعته المستمرة لها، وفي هذا السياق يستعرض موقع محطة مصر اليوم مشكلة روتها إحدى رواد مواقع التواصل الإجتماعي ونصائح الخبراء للتعامل مع الزوج "ابن امه".

وجدير بالذكر أن حكاية ويبقى الأثر من مسلسل إلا أنا، بطولة مصطفى درويش ونجلاء بدر ومحمد التاجي وإيناس كامل ورانيا منصور، وعدد من الفنانين، وهي من تأليف أماني التونسي وإخراج أحمد يسري.

 

تفاصيل المشكلة :

أنا عندي 28 سنة ومتجوزة من خمس سنين وحالي ميفرقش كتير عن حال إيناس كامل بطلة حكاية ويبقى الأثر وجوزي ميفرقش كتير عن مصطفى درويش أو إيهاب، بس الفرق أن إيهاب مش بينكد عليها بسبب أمه المهم انا حكايتي مختلفة شوية.

حكايتي كلها بدأت من فترة الخطوبة وامه كانت مش موافقة على الجواز عشان عايزة تجوزة بنت خالته ودا السبب اللي انا عرفته بس الاساسي انها كانت مش موافقة لانها شايفة انه ابنها هى ومن حقها هيا واني مينفعش اجي انا واخده منها على الجاهز كدا.

كانت بتدخل في كل حاجة من اول شراء الشبكة لغاية الجهاز والعفش ولون السيراميك الحاجة اللي اخترها هى تختار عكسها تماما والمرة اللي كنت ارفض فيها او ازعل منه انه عايز ينفذ كلامها وانا لا كان يقولي اصلها فرحانة بينا وبتعتبرك زي بنتها.

واستمرت الخطوبة على الشكل دا انا اللي بتصل دايما وهى اللي بتختار كل حاجة لغاية فستان فرحي راحت هيا اختارته اصلها عملاها ليا مفاجئة ولو مش رضيت بيه يبقى انا كدا بجرحها وبهينها، وبعد الجواز الوضع بقى أصعب كل تفاصيل يومنا وحياتنا عندها لأنها أمه هيخبي عليها ليه.

مفتاح شقتي معاها واللي بيعجبها عندي حتى لو كان بابا جايبها في جهازي تاخدها ولما اجي اعترض يتقالي دا بيت ابني واخد اللي انا عايزاه، أما بالنسبة لجوزي بقى فمفيش كلمة امه بتقولها مش بيتقال عليها حاضر حتى لو كنا احنا متفقين على حاجة تانية غير انه لازم يدي لاخوه ويعمل مع اخوه ومراته اللي هو بيعمله معايا ومع ولادي.

اصله هو الكبير ولازم يتحمل المسئولية مكان باباه وبتتخانق معاه كل ما يجيب لينا حاجة ولازم يجيب ليها ولاولاد اخواته واخوه ومرات اخوه زينا، وهو اللي بيدفع لاولاد اخوه مصاريف المدرسة عشان لازم يدخلوا المدرسة اللي ولادي فيها ولو مش قادر يبقى يدخل الولاد كلهم مدرسة يقدر عليها.

أنا بجد خلاص زهقت ومليت وعايزة حل مبقتش عارفة اتعامل معاه خالص حاسة اني عايشة مع امه مش معاه هو ووصلت لمرحلة اني عايزة اطلق لان الحياة معاه شبه مستحيلة.

 

رد الخبراء على المشكلة :

أتى رد خبراء علم النفس والإجتماع في تلك المشكلة بأن الطلاق ليس الحل الأساسي لتلك المشكلة لأنه إذا حدث ستقوم أمه بتحريضه على عدم الإنفاق على أولاده وستدخلك في مشاكل لن تنتهي ولأن خراب البيت ليس سهلاً، قدم الخبراء عدداً من النصائح للتعامل مع الزوج ابن أمه.

 

نصائح للتعامل مع الزوج ابن امه :

البعد عن تعامله مع أهله:

نصح الخبراء المرأة بأنها ليس لها علاقة بطريقة تعامل زوجها مع أهله.

 

"امني نفسك":

نصحها عدداً من الخبراء بضرورة تأمين نفسها من غدره وغدر أهله لأنه من المتوقع أن يقوم بتطليقها في أي وقت إستجابة لرغبة أمه الموجودة من فترة الخطوبة.

 

البعد عن استخدام كلمة "أمك":

أي رجل بصفة عامة ليس ابن امه فقط لا يحب سماع كلمة أمك، فعليكي أن تعرفي التعامل الصحيح مع المشكلات ولا تقومي بالشكوى منها إليه لأنه لن يأتي لكي بفائدة سوى مشكلة جديدة معه.

توددي لوالدته :

حاولي إقامة الود وعلاقة جيدة مع والدته وقدمي لها الهدايا وزوريها كثيراً وإن كان يضايقها وجود زوجك معك لا تظهري لها هذا الأمر.

 

عاملي زوجك مثلما تعامله:

عاملي زوجك مثلما تعامله هى إن كانت تهتم به بطريقة زائدة أهتمي أنتي به مثلها فسيكون معك أنتي.

 

اشعريه بقيمتك:

من الممكن أن يكون الزوج شاعر بأنك باقية في حياته ولن تذهبي منها وهذا هو ما جعله يتعامل معك بتلك الطريقة فعليكي أن تشعريه بقيمتك ففي يوم ما لا تعدي الطعام ولا تقومي بما تقومين به كل يوم وانظري لرده فعله فإن اهتم فهناك أمل أما إذا لم يشعر من الأساس فعليكي الحياة لتربية أطفالك وتعاملي معه كأنه غير موجود إلى أن يشعر بقيمتك.

 

أنتي في مكانة وأمه في مكانة آخرى:

على الزوجة أن تعرف جيداً أن الأم والزوجة لهما مكانتين مختلفتين تماماً فلن تحل واحدة منهم محل الآخرى فعلى الزوجة تحمل حبه لأمه وتعامله معها بتلك الطريقة وعليكي تجاهلهم تماماً ولا تسألي عن أي شئ ستضايقك إجابته.