منة فضالي تستغيث: «معرضة للهجوم على بيتي» | فيديو

أعربت الفنانة مني فضالي عن غضبها الشديد من صناع الفيلم الجديد لها بعد تهديدهم، بعدم دفع أجور الفنانين المشاركين في العمل، وإستعانتهم ببلطجية لعدم دفع الأجور.

 

وتحدثت الفنانة "مني فضالي" خلال بث مباشر لها عبر حسابها الشخصي علي "فيس بوك" قائلة: "إتفاجئت بعدم دفع الأجور للفنانين، في ناس معايا إتعرضو للأهانات والبلطجة، الأساتذة مشوا الممثلين وجابوا بلطجي عشان ميدوش الناس فلوسها، ولي بيطلب فلوسه بيضربوا ويحبسوا في أوضة ".

 

وأضافت: "إحنا معرضين أن حد يهجم علينا في البيت، بدليل بتاع البوفيه ليه 2800 جنيه، راح يطلب فلوسه حبسوه في الأوضه ودخلوا عليه البلطجية ".

وتابعت: "بصراحة أنا لجأت للنقابة، أنا وكتير من زمايلي، وإتفاجئت أنهم غيروا فريق العمل كله، واللي مش عاجبه ملوش عندي فلوس".

وأكدت: "أنا مضايقة جدا إننا وصلنا لمرحلة بناخد حق الناس الغلابة التعبانة ، عايزه أقول أن في ممثليين غلابة جدا، مش كل الممثلين مرتاحيين ماديا، في ناس حياتها مبنية على 300 أو 400 جنيه بياخدهم، دلوقتي في كارثة بلطجة ".

 

وأضافت: "مش كل الناس قادرة تدفع ثمن الشكوى والمقدرة بـ 1000 جنيه.. ده هما أصلًا بياخدوا 800 و900 من التصوير، ومش كل الناس هتقدر تدفع خالص."

 

جدير بالذكر أن الفنانة منة فضالي يعرض لها الأن حدوتة سكر مر آخر حواديت الموسم الثانى من مسلسل "ورا كل باب" والذى حقق نجاحًا كبيرًا على مستوى جميع الحكايات.