خاص بالفيديو.. هشام إسماعيل يتوقع نتيجة القمة بين الأهلي والزمالك

شارك الفنان هشام إسماعيل رؤيته لمجريات مباراة القمة الليلة بين الأهلي والزمالك وتوقعاته للنتيجة، حيث تقام المباراة ضمن منافسات الدوري العام المصري في الثامنة مساءا.

 

وقال هشام في تصريحات خاصة لـ(محطة مصر نيوز): "إن شاء الله اللي يلعب أفضل يكسب، ويارب الزمالك يكسب، ولو خسر أو تعادل عادي لأن الدوري لسا في أوله بدري، والزمالك السنة اللي فاتت خسر في الدور الأول من الأهلي، واتعادل في الدور التاني، وكسب الدوري، وفيه دوريات كتير في التمانينيات والتسعينيات الأهلي كسب والزمالك خد الدوري، والعكس". 

 

وأكمل "بالنسبالي الماتش غير مؤثر بالمرة هو مجرد 3 نقط، اللي هياخدهم أهلا وسهلا مبروك عليه، بس مش هيحسم الدوري ولا هيقدم ولا هيأخر، والمهم يلعبوا كويس". 

وعن توقعه للنتيجة صرح "اعتقد اللي هيدافع أكتر هوا اللي هيكسب، وأتوقع التعادل 0/ 0، وأخطر لاعيب في الأهلي هو محمد شريف، ولاعيبة الزمالك الخطيرة كتير بس يبقوا موفقين، يعني عبد الشافي مهم جدا، وأوباما لو لعب كويس يبقى مهم جدا، وأشرف بنشرقي مهم جدا، ويارب الزمالك يكسب، ولو مكسبش تمام، دي رياضة في النهاية والدوري لسا بدري.