مي كساب عن أنباء انفصالها: اتقو الله أنا عندي 3 عيال

قامت الفنانة مي كساب بالرد علي شائعات إنفصالها عن زوجها ومطرب المهرجانات أوكا عبر حسابها علي تويتر.

حيث كتبت " زهقت منكم بجد مش عارفه عاوزين تطلقونا ليه يخرب بيت التريند ع الريتش اللي من يوم ما طلع ما شفناش خير اتقو الله أنا عندي ٣ عيال وأهل بيزعلو علينا وجمهور ارقي منكم برضه بيزعل علينا ربنا يشفي بجد"

وجدير بالذكر أن شائعة إنفصال مي كساب جاءت عل غرار منشور لها عبر إنستجرام حيث كتبت " "الكام يوم اللي فاتو كانو أطول مدة أقعدها لوحدي في حياتي وباعترف شفت الحقيقة الكاملة حقيقة نفسي حقيقة كل حاجة حواليا وعرفت قيمة كل حاجة وندمت على كل لحظة ظلمت فيها نفسي أو ظلمت حد من اللي بأحبهم وبيحبوني اللي بتكتب دلوقتي مي بس بتاعه 2010 بس بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضيه تمام الرضا علي كل ابتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الآخر عشان أقدر نعمه أنا عدي عليه 11 سنه صعبين جدًا".

 

وأضافت "يمكن القريبين مني عارفين أنا استحملت إيه وواجهت إيه أنا مسحت كل لحظة مش عاوزة أشوفها تاني عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثرة جوايا كفنانة وكإنسانة ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة أكبر نعمه من رب العالمين جوزي وأولادي وأهلي وأصحابي وزملائي رفاق الرحلة الأوفياء الصادقين السند والضهر اللي خلاني أعرف أعدي الـ11 سنة دول بأعترف عقبال عوضك كان عوضي الفني والإنساني بعد صبر 11 سنة حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن وبإذن الله العلي الكريم أنا هأرجع أنا وهأحارب وأقاوم كل روح شريرة وكل طاقة سلبية أثرت عليه في السنين اللي فاتت وربنا يقدرني وأكون إنسانة صالحة وفنانة صاحبة رسالة وأكون خير في الدنيا بحبكم من قلبي وحقيقي حبكم ليه هو الحياة".