علا رشدي للميس الحديدي : كنا بنلعب بـ” باربي ” في سن 13 سنة

 

كشفت الفنانة علا رشدي عن الفارق بين الالعاب في جيلها وأجيال بناتها قائلة : " كنا زمان العروسة " باربي " دي بنلعب بيها في سن 12 أو 13 سنة دلوقتي الجيل ده بدأ بيها في عمر ثلاث سنوات ".

 

وأضافت في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON"قائلة :" من سن سبع سنوات بدأوا التيك توك " لافتة الى ان التكنولوجيا والتطبيقات سيطرت على حياة المصريين قائلة : " كل حاجة بقت تطبيقات ورقص وتيك توك ".

 

وكشفت  أن إبنتها لديها حسابات على مواقع التواصل الاجتماعي مقارنة بنجلها الذي لايحبها قائلة : " بنتي عندها لكن إبني مالوش فيها والولاد بيختلفوا عن البنات ،الاولاد مش عندهم نهم زي البنات بالتواصل الاجتماعي ".

 

وكشفت أن إبنتها تحب " التيك توك " وتقوم ببث مقاطع فيديو للرقصات قائلة : بتحب الرقص جداً،مؤكدة أن الفيصل في التعامل مع تلك التطبيقات وغزوها للحياة هو إحداث التوازن حتى لاتقتص أوقاتنا وأوقات أطفالنا كاملة.

 

وعن حل لحماية الابناء من غزو التكنولوجيا قالت : هناك حلان لاثالث لهما الاول هو أن تصبح الام صديقة لابنائها لازم الام تعرف هما بيعملوا إيه وده مش هيجي غير من ثقة الابناء وصداقتهم مع الام عشان يورونا بيعملوا إيه وفي ساعات بنتي بتوريني فيديوهات اقولها عيب دي أكبر من سنك ".

وكشفت أن الحل الثاني هو تطبيق فكرة " الحدود " قائلة : لازم نتعلم ده وأنا لسه بقرأ كتب في المجال ده كل شخص له حدود لازم يرسخها ولايتعداها سواء شخص في الشارع أو الاهل أو الاقارب ".