ريهام سعيد في بث مباشر: ”عندي زميلة عايزة تدمرني.. عامله لي سحر أسود كل ما يتفك بتجدده”

قالت الإعلامية ريهام سعيد في بث مباشر لها على موقع (فيسبوك)، إن زميلة لها في المجال الإعلامي قامت بعمل سحر أسود لها، يدفعها حقدها ورغبتها في تدميرها، وقالت نصًا: "عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع".

وأوضحت الإعلامية ريهام عن السحر الأسود الذي تعرضت له يقصد به وقف الحال والمرض والطلاق، وأنها عاجزة عن قراءة الأذكار والتسبيح بسبب مفعول هذا السحر، حيث قالت:

"كل ما أجي أمسك سبحة عشان أقول أذكار الصباح والمساء بيحصلي حاجة ومعرفش أقولها..

فعلاً الحاجات دي مُتعبة والناس اللي بتعمل فيّ كده مش عايزة تهدى غير لما يتقضي علىّ خالص..

أنا زهقت وفكرة أن حد يأذيني صعبة أوي، عايزة اقرأ سورة البقرة كل يوم وعايزة أقول أذكار الصباح والمساء وبدعي ربنا أنه يبعد عني السحر دا، والحسد صعب أنا لما بصلي بنهار من الدموع، وقرأت لشيوخ قالوا إن دي كلها من علامات الحسد".

وأضافت ريهام سعيد أن هناك علاقة وثيقة بين السحر الأسود والآثار، وأن من يعملون بالسحر ينقبون عن الآثار، واستدلت على كلامها أن حياتها تغيرت رأسًا على عقب بعد ذهبها لمنزل 5 فتيات يعانين من المس بسبب وجود آثار أسفل منزلهن، وذلك في إحدى حلقات برنامجها.

أضافت ريهام سعيد "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش بيقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده، دول ناس كتير أوي وأسبابهم مختلفة".

وأشارت ريهام سعيد أن الداعية مصطفى حسني أمرها بقراءة سورة البقرة، وأنها خير علاج للسحر، ودعت متابعيها إلى قراءة سورة البقرة يوميًا للتخلص من السحر.

وأردفت قائلة: "طبعًا كل اللي بيحصل بإذن الله ومن عند ربنا فأنا مقتنعة أن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتي".

 

إقرأ المزيد:

الأزهر يوضح حكم الاستماع للرقية الشرعية عبر فلاشة أو تسجيل صوتي

آيات الرقية الشرعية من القرآن الكريم للشفاء من الحسد

هل يحسد الإنسان نفسه..؟!

علامات الحسد في البيت وطريقة علاجه بالقرآن

أنواع الحسد في القرآن

في زمن النبي.. تعرف على قصة الصحابي الذي كاد يقتله الحسد