المجني عليه في واقعة ”السجود لكلب” يفجر مفاجأت جديدة أمام النيابة

قال الممرض المجنى قي واقعة السجود للكلب أثناء التحقيق معه أمام النيابة العامة،: أنا بشتغل ممرض طوارئ وممرض عيادات العظام في مستشفى النزهة الدولي من حوالي 20 سنة، وبكون مساعد للطبيب اللي موجود في العيادة في حالة تغيير جبس أو تركيبه أو أي حاجة بيطلبها الدكتور، وده في الغرفة المخصصة للعيادة أو غرفة التركيبات.

 

واستكمل الممرض المجنى عليه عادل سالم خلال التحقيقات، الفيديو اللي أتنشر ثابت فيه أنا وكنت لابس بدلة تمريض زرقاء وظاهر فيه المدعو عمرو رفعت وكان لابس أزرق وكمان سكرتير العيادة وظاهر في آخر المقطع دكتور معتز مسعد وهو كان لابس بالطو أبيض ودكتور عمرو هو اللي كان بيوجهلي الكلام والإساءات اللي في الفيديو ومش ظاهر في الفيديو خالص.

 

وتابع ممرض واقعة السجود للكلب خلال التحقيقات، أن ما تم عرضه في الفيديو هو ما حدث بالفعل دون تحريف أو تعديل على محتواه، مشيرا إلي أنه تم التقاط الفيديو داخل مستشفى النزهة الدولي في عيادة العظام بالطابق الأرضي، منذ 6 شهور أو أكثر وأنه غير متذكر الفترة.

 

وأضاف المجني عليه في واقعة السجود مفيش أي علاقة بمستشفيات جامعة عين شمس والواقعة، وأنا أظن أن تم ذكر الإسم نظرا لعمل الدكتور عمرو خيري كرئيسا لقسم العظام بكلية الطب جامعة عين شمس.

 

واستطرد ممرض واقعة اسجد للكلب: الفيديو أتصور من خلال تليفون الدكتور عمرو خيري، وأنا عرفت خلال الواقعة لكن لحظة دخولي الغرفة مكنتش أعرف أنه بيصور، لأنه كان ماسك التليفون في أيده لكن مش ظاهر هو بيستخدمه ولا بيصور.

 

وكانت المحكمة الاقتصادية بالقاهرة، قررت تأجيل محاكمة طبيبين وموظف بتهمة التنمر على ممرض، والمعروفة إعلاميًا بـ"اسجد للكلب" لجلسة 25 سبتمبر للاطلاع.