نادين: ”زوجي عمدة أبو قرقاص بمحافظة المنيا.. وعجبني فيه هيبته وخفة دمه”

قالت الفنانة نادين إن زوجها نجل عمدة أبو قرقاص في المنيا و اصبح هو عمدة أبو قرقاص ، و اتقابلنا في اسكندرية و هو اعترف لى بحبه الأول ، و انا عجبنى فيه الهيبة بتاعته و خفة دمه و هو عمدة مودرن ، و بنحس اننا لحد الان مش متجوزين و كاننا مخطوبين ، و عندنا بنتين و ولد .

وأضافت خلال لقاءها مع الاعلامى دكتور عمرو الليثى ببرنامج واحد من الناس على شاشة الحياة ، ان الوسط الفني تغير كتير حتى تكنيك الشغل اتغير ، و في ليالى اوجينى بعد ما خلصت تصوير قالو لى استنى هناخد زوايا تانية فقلت دى اخرة نزول بتوع السينما للدراما .

وأشارت نادين إلى أن: المخرج هانى خليفة تحدث معي هاتفيا، وأراد أن أتعاون معه في مسلسل ليالى أوجينى و ده في الأربعينات، و كان يريد أن اقدم دور أرتيست، وو افقت و طلبت منه أن اسمى يتكتب أرتيست في التقديم في المسلسل وفي التتر لأنى مش راقصة أنا أرتيست، واشتغلت بعدها مسلسل عائلة جي جي و كان دورى خمس حلقات فقط ضيف شرف بس دور مهم.