راندا البحيري لـ ”محطة مصر”: حسام البدري على راسنا بس حان وقت التغيير | فيديو

أعربت الفنانة راندا البحيري خلال حوارها لموقع "محطة مصر نيوز الإخباري" عن سعادتها بتغيير المدير الفني المسؤول عن تدريب منتخب مصر لكرة القدم، مشيرة إلى أنه لأول مرة يتفق الشعب المصري على رأي واحد، وجاء ذلك أثناء حضورها مؤتمر "ماجيك فارما".

وقالت "راندا": "اللي بسطني جداً إن المطلب الشعبي بتغيير المدير الفني محصلش بعد الخسارة حصل بعد التعادل، الماتش كان سيء جداً لدرجة ان مصر كلها أجمعت على ده، أنا بشكر الظروف اللي خلت مصر كلها تجتمع على شيء".

وتابعت: "أهلاوية وزملكاوية اعترضوا ع اللي حصل .. اعترضوا ع الطريقة اللي لعب بيها المنتخب الوطني في آخر ماتش مع الجابون ، أنا مش خبيرة كروية وبقول ده ما بالك الخبراء بيقولوا إيه .. هما كانوا "بيلطموا" من اللي حصل في الماتش".

وكشفت "راندا" عن رأيها في كابتن حسام البدري حيث قالت: "الشعب كله طلب تغيير المدير الفني اللي هو كابتن حسام البدري .. وده ميعيبوش في حاجة .. شكرا جدا ليك يا كابتن وأنت على راسنا من فوق بعد اللي عملته في الفترة اللي فاتت كلها لكن حان وقت التغيير ومفيش اي مشكلة"

أما عن "كارلوس" المدير الفني الجديد للمنتخب، أكدت "راندا" أنها مطمئنة ومتفائلة بوجوده خصوصاً أنه ينتمي لمدرسة برتغالية، مشيرة إلى أن المدرسة البرتغالية في كرة القدم ليست هينة حيث قالت: "فيها التنظيم الفظيع .. فيها كل واحد في مكانه الصح .. فيها حدة في التعامل"

واستكملت: "مع إن كان نفسي يكون كابتن حسام حسن أو حسن شحاته هما اللي في المكان ده" موضحة أن هذا رأيها الخاص الذي من الممكن أن يكون رأياً خاطئاً، متابعة: "كابتن كارلوس مش عارفنا لسه ودي المشكلة .. هل هيلحق يدرسهم خلال الفترة القصيرة دي ويدرس كل واحد ويتعامل معاهم صح لأن دي حاجة مش سهلة خالص".