دياب وهاجر يكشفان أسرار حياتهما لـ عمرو الليثي

 

قال الفنان دياب، إن أحسن خطوة قمت بها في حياتى إنى تزوجت الإعلامية هاجر الإبيارى وأتشاور معاها وأخذ رأيها في كل شئ، لأنها خريجة ‘علام ولديها وعي وتفهم في الإعلام كويس جداً .

وأضاف دياب خلال لقائه مع الإعلامى دكتور عمرو الليثى ببرنامج واحد من الناس على شاشة الحياة، إن أكثر حاجة بحبها في هاجر إنها واضحة جدا ودوغري، و بتثق فيا جدا وهي معايا طوال الوقت مش بتسبني، وهي لا تشك فيا وأنا بطبيعتي في البيت بشكلٍ كبير إلا وقت الشغل.

و قالت الإعلامية هاجر الابيارى زوجة دياب في مداخلة هاتفية ، ان نجاح دياب حاجة عظيمة بالنسبة لي انا ، و دياب فنان موهوب في حته تانية خالص ، و هو جدع جدا على المستوى الشخصى ، و حنين جدا عليا .

و تابع دياب أنا بغنى ليها في البيت اغنية المطرب الشعبى رضا البحراوى ، الصفا و الهنا في البيت هنا ، و بتتريق عليا بتقولى ايه الرومانسية دي.

وأضافت هاجر: أنها بتتخانق مع دياب علشان مش بيقفل باب الحمام، و بيفور القهوة على البوتحاز ، و بيوقع كوباية الشاي على الأرض و يسبها و يمشى ، و لما بنزعل من بعض هو اللى بيصالحنى ، و بيدلعنى يا جوجو ، و كل شخصيات دياب بحبها و ليها مكان في قلبى و بقوله انت عملت ده ازاى.

و تابعت: أن دياب بيضرب وهو نايم ولسه من يومين كان هيفقع عينى، وكل يوم في كوع في وشي محترم.