”محطة” مصر تكشف طبيعة الجراحة التي أجراها محمد أنور ”التفاصيل”

أعتذر الفنان محمد أنور عن المشاركة في أخر عروض مسرحيته "هابي نيو يير"، للمخرج مجدي الهواري، والذي يتقاسم فيها البطولة مع بيومي فؤاد ومحمد عبدالرحمن وكريم عفيفي و شيماء سيف، وتقام على مسرح كايرو شو بالتجمع الخامس.

"محطة مصر" تواصلت مع النجم الشاب ليأكد لنا في تصريحات خاصة انه يعاني من الالام في منتصف البطن، وقام بإجراء بعض الفحوصات ، وقرر الفريق الطبي المعالج له التدخل بإجراء جراحة عاجلة وبسيطة للتخفيف من تلك الالام، وتبين من الكشف انه يعاني من "فتق بجدار البطن"، وانه بدأ حاليًا في التحسن، وطلب من جمهوره الدعاء له بالشفاء.

وحرص على طمأنة جمهوره وكتب عبر حسابه الخاص على موقع التواصل الاجتماعي فيس بوك": "أي واحد في العادي لما بتسأله ايه من نعم ربنا نفسك تكون عندك أغلب الناس بيتمني نعم كتير، وقليل اللي بيفكر في اهم نعمة وهي نعمة الصحة، للاسف دي النعمة الوحيدة اللي مابتفكرش فيها غير لما يجيلك مرض او تعمل عمليه ساعتها بتلاقي أبسط الأشياء اللي كنت بتعملها عادي زي دخول الحمام أو النوم بقي حلم من أحلامك وساعتها بتتمني من ربنا زوال كل النعم اللي عندك بس ترجعلك صحتك".

وأضاف: " معلش مش قصدي ابقي عميق والله، بس اصل انا عملت عمليه صغيره اوي واتعلمت منها كتير اوي، فقولت اكتب الكلام ده عشان لما ابقي كويس وانسي النعمه دي الفيس بوك يفكرني".