حمو بيكا يرد على منتقديه: «التربية قبل التعليم»

علق مؤدي المهرجانات حمو بيكا على منتقديه عبر موقع التواصل الاجتماعي "فيسبوك" قائلا: "بتقولو عني جاهل ومش متعلم .. مع أن دي حاجة أنا عمري ما انكرتها ولا حتى خبيتها على الناس".

وتابع: "ومن يوم ما ربنا كرمني واتشهرت وبقي ليا جمهور .. بس هرجع واقولكم تاني انها حاجة مكنتش بايدي .. انت بقي يا "متعلم " التعليم علمك انك تقعد تعاير الناس بعيوبها؟
التعليم علمك ان تفضل تتنمر علي خلق الله ؟.. التعليم علمك انك مباح ليك الشتيمه في حد هو اقل منك في شئ؟، اكيد لا فمتجيش من ورا شاشة وكيبورد تعمل فيها عم الناصح
وانت اصلاً موركش حاجة تعملها !". 

 

وأضاف بيكا: "أنا متعلمتش ومنولتش الشرف الكبير ده.. بس اتعلمت حاجات كتير في الدنيا انت متعلمتهاش لسه
اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد ..  وقال: واتعلمت حاجات كتير جداً في حياتي انت عمرك مهتتعلمها طول ما انت باصص للناس ..!، فكر في كلامك كويس وكومنتاتك كويس قبل ما تكتبها
وقبل ما تقول انك متعلم افتكر انك في "تربية وتعليم" يعني التربيه قبل التعليم. 

 

جدير بالذكر أن بيكا ظهر في بث مباشر لينفي وجود أي خلافات مع مؤدي المهرجانات نور التوت.