هالة فاخر : العمل مع يحيي الفخراني اضافة لاي فنان ..وافتقد سمير غانم

قالت الفنان هالة فاخر في مداخلة هاتفية مع الاعلامى دكتور عمرو الليثى ببرنامج واحد من الناس على شاشة الحياة ، انها سعيدة بمشاركتها بمسلسل نجيب زاهي زركش ، ولا يشغلها حجم الدور ولا مساحته ولكن اهمية الدور هو المقياس بالنسبة لها.

 

واضافت ان الفنان محمد محمود فنان كبير ، و اسلام ابراهيم عامل دور رهيب و انا مبسوطه جدا بيه و لى الشرف انى اشتغل مع الاستاذ يحيى الفخرانى و اول مرة مع شادى الفخرانى ، و محمد إبراهيم يسرى ابن الوز عوام .

و عن كواليس العمل قالت هاله فاخر ان المخرج شادى الفخرانى مهذب جدا لكنه منضبط جدا و لا يسمح باى حاجة خلال التصوير ، و انها قعدت تصور مشاهدها في الحلقة الأولى في تسع أيام .

و عن علاقتها مع الفنان الراحل سمير غانم انه كان انسان بمعنى الكلمة و كان لما يلاقى ان حد امامه عاوز يقول كلام كان بيفرش ليه علشان يطلع موهبته و انا زعلت جداً عليه .

 

وعقب الفنان محمد محمود انه عمل في معظم مسرحيات الاستاذ سمير غانم و انسان خير جداً و جدع جدا و لي معاه ذكرى في مسرحية "بهلول في إسطنبول" و اول مرة اشتغل معاه ، و عملت افيه بعد جملة للأستاذ سمير كانت بتكسر المسرح و الافيه سمع مع الناس و ضحك الصالة و فؤجت بحد في الصالة بيقول لى الأستاذ زعل منك جدا و جريت بسرعة عليه و قولت ليه انا اسف مش هعمل كده تانى ، و قال لى اسف على ايه اوعى ما تعملش الافيه ده تانى لازم تعمله انا انبسطت بيه ربنا يرحمه كلنا افتقدناه .