طفلة الطالبية تروي تفاصيل هتك عرضها على يد ترزي

كشف نص تحقيقات القضية رقم 12001 لسنة 2021 جنح بولاق الدكرور، المتهم فيها ترزى بهتك عرض طفلة داخل مدخل العمارة محل سكنها بمنطقة الطالبية والتحرش بها، أنها حضنها وقبلها ومسكها من الخلف.

 

وقالت المجنى عليها الطفلة نورا ج ا، 11 سنة فى تحقيقات النيابة:" اللى حصل أنى نزلت علشان اشترى حجات من السوبر ماركت ولاقيت واحد ماشي ورايا من أول ما نزلت من العمارة وروحت السوبر ماركت واشتريت الحجات وخرجت ملقتهوش ورايا وبعدها روحت عند بتاع الفول ورحت على الفرن علشان اجيب عيش ودخلت الشارع بتاعنا لقيته فى وشي الناحية التانية ولاقيت عم محمد بتاع الجراج اللى فى الشارع عندنا نده عليا وقالى هيا ماما بتجري ليه قولتله علشان ستى تعبانه وهى سافرتلها وسبته ومشيت فالشارع".

 

وأضافت المجني عليها قائلة: "وأنا رايحة على بيتنا لاقيت الكلاب بتجري ورايا قام قابلني الراجل الغريب اللى عمل فيا كده وقالى متحدفيش طوب على الكلاب اللى فى الشارع علشان بعد كده هيعرفوكي ويجروا وراكي وقلتله ماشي وسألنى الراجل اللى ندهلك ده كان عازوك فى ايه قولتله ده صاحب بابا وبعد كده سبته وفتحت باب العمارة وفتحت المدخل لاقيته داخل ورايا وقالى أنا عندى محل لبس وهاجبلك هدوم كتير ونظارة جديدة قلتله شكرا أنا بابا بيجبلي كل حاجة بعد كده قام حاطط أيده على كتفي وطلع معايا على السلم وقاعد يتكلم معايا وأما طلعنا ما بين الدور الأول والأرضي قالى هاتى حضن لعمو بوسه لعمو أنا زى بابا وبعدها باسني من بقي وحضني من قدام ومن ورا وفضلت أزق فيه بأيدي واضربه قام سايبني وجيه نازل كان عاوز يديني فلوس وأنا قولتله بابا مش مخليني محتاجة حاجة وطلعت اجرى على بيتنا فى الدور التامن ودخلت البيت وجسمي كان سايب وبترعش وبابا سألنى مالك قلتله مفيش حاجة وبعدها دخلت الحمام وطلعت وقلتله عايزه احكيلك على حاجة بس ماتزعلش وحكيتله كل اللى حصل وبابا نزل شاف الكاميرات وشاف اللى حصل وأخدنى وروحنا على القسم عمل محضر والضابط نزل معانا وده كل اللى حصل".

 

واكدت المجنى عليها قائلة: " أنا كنت نازلة أجيب الفطار والعيش وكنت لوحدى ومحدش معايا، واللى اعتدى عليا ده معرفوش وعرفت لما مسكوه ان اسمه مصطفى، ومحدش شافنا لما هو عمل كده، وده كله حصل فى حوالى 3 دقايق، ومكنش معاه أسلحة ومفيش أى إصابات حصلتلي من ده ، وفى الأول أنا كنت مخضوضة ومش عارفة اعمل إيه علشا امنعه من اللى بيعمله وبعد كده قعدت أزق فيه واضربه بأيدي فى كتفه لحد ما سابني ونزل، وكنت خايفة يعمل فيا حاجة وحشة علشان كدة مستغستش بحد".