تامر حسني يقدم الوصايا العشر لتحقيق أحلام الشباب

تحدث الفنان تامر حسني عن حلمة و بدايته في الفن، وذلك في لقائه مع الإعلامي عمرو أديب علي قناة MBC مصر، وقال: "أحياناً كنت بسمع كلام مهين، كنت بقول ماشي هقبلها علشان أنا بتذل لحلمي، ما عنديش مشكلة أتذل لحلمي المهم أن أوصل، أن أسمع كلمة تضايقني أو مش عارف إيه هوصل يعني هوصل، والفيلم ده بقول كدة، وبوصل لرسالة في آخر الفيلم إن المشكلة في اللي ما عندوش طموح".

 

وفي مداخلة مع مخرجة فيلمه الأخير "مش أنا"، أشادت بتامر حسني وقالت إنه وقف بجانب صناعة السينما، وأعادها من جديد بعد أزمة كورونا، و اقتصار الحضور في السينيمات علي نسبة 50% فقط، وأضافت أن الفيلم قد حقق إيرادات عالية في تاريخ السينيما العربية.

 

و قال تامر إنه يشعر بما يمر به الشباب من مشاكل مادية و أسرية، و أن الفيلم رسالة موجهة للشباب، فقال " أنا عدي علي سنين مكنتش لاقي أكل" لذلك قام بعمل الفيلم ليواجه الشباب من أجل المعافرة والمثابرة وقال" في وسايط وفي محسوبية، مش هننكر، عالم كلة فيه كده، بس هشتغل وهجري و هنجح يعني هنجح، الفيلم بيقول كدة وشماعة الظروف دي أنت لازم تكسرها ".

 

وشكر تامر حسني المستشار تركي آل شيخ لأنه ساعدهم كثيرًا لتهيئ الظروف حولهم لإنتاج الفيلم، " أنا كنت طالب نص المسرح للعمل، لقيت المسرح كلهم والحاجات بتتقدملنا بحب، السعودية كلها انتظمت واتفتحت لمساعدة الفيلم، لافتا أن أول فيلم يتم تصويره في السعودية هو فيلم " مش أنا"، وشكر الفنان السعودي "فايز المالكي"، وقال أنة أضاف كثيرًا للفيلم.

 

وجه تامر حسني رسالة أخرى للشباب مشيرًا إلى أغنيته " مش تمثال" متمنيًا أن يسمعها الشباب جيدًا و يقوموا باستيعاب كلماتها، وقال " في مقولة دايمًا بقولها، لو مش عاجبك مكانك في الدنيا غيرة لأنك مش تمثال، ده اللي أنا مريت بيه في حياتي، وربنا كرمني، و بدأت أحقق أحلامي".