شاهد| شيرين عبد الوهاب تفجر مفاجأة بشأن التسريب الصوتي الفاضح لوالد زوجها

علقت الفنانة شيرين عبد الوهاب على التسريب الصوتي المنسوب لوالد زوجها حسام حبيب، بمقطع صوتي حسمت فيه الجدل حول قرار انفصالها عن زوجها، وذلك عبر حسابها الشخصي بمنصة التغريدات المصغرة "تويتر".

 

وقالت "شيرين": "كل الناس اللي بتحبني أنا بخير مفيش خطر عليا ولا على والدي اللي حصل مش هينفع أرد عليه في كلمتين .. حسام إنسان من أنضف رجال الدنيا ومحترم ومتربي وبيحبني أكتر من نفسه، وما يستهلش كم القسوة دي".

 

وتابعت: “الرجل اللي ربنا حطه في طريقي، كان سبب في إنه يبني شخصيتي، ورجع لي الثقة لنفسي تاني ربنا بعتهولي في طريقي".

وتابعت: "من ساعة لما اتجوزني ما عملش لنفسه أي حاجة، وحماتي اللي هي مامته إنسانة عظيمة لأنها ربت إنسان عظيم”، وطالبت من الجمهور الدعاء لها بالذرية الصالحة".

 

ودافعت "شيرين" عن زوجها حسام حبيب بشأن استيلائه على أموالها قائلة: "كل شيء خاص بي مش معاه وكل الكلام ده مش مظبوط لأني أنا كلي بتاعته.

 

وأضافت: "جوزي ابن ناس وعيلة محترمة، ما قبلش إن حد يتكلم عليه كده، ولا هو ولا والدته، والناس اللي زيه مش موجودين، لو كان عاوز يستفيد مني كان عمل أغنية سنجل ليه".

 

واختتمت رسالتها الصوتية قائلة: "كل الناس بتتخانق وتختلف، لكن هو بيحبني أكتر من نفسه، أنا حاسة ربنا عاطيني قلب ومؤشر وحاسة معاه بالأمان، كفاية إنه خرّج من حياتي كل الناس اللي كانت بتستغلني والتعابين والحاجات الفاسدة".

 

وكان قد تداول مستخدمو مواقع التواصل الاجتماعي خلال الساعات الأخيرة الماضية، تسريبا صوتيا فاضحاً لوالد حسام حبيب يتحدث فيه عن خطة نجله للزواج سرا على المطربة شيرين عبدالوهاب من أجل إنجاب أطفال.

 

كما اعترف بأنه يتحكم في جميع الحسابات المالية لها ويأخذ أموالا من حساباتها دون الرجوع لها، وأنها شخصية تطلب الطلاق باستمرار، على حد زعم التسريب.

 

من جهته، نفى والد حسام حبيب علاقته بالتسريب الصوتي حيث قال: "كل ما أثير هو كذب وافتراء .. الناس خرابة بيوت ده مش صوتي".