تعليق هالة صدقي على ظهور الفنانات في حفل زفاف يوم جنازة سمير غانم

علقت الفنانة هالة صدقى على الهجوم الذي تعرضت له صديقاتها إلهام شاهين ويسرا ولبلبة وليلى علوي وبعض الفنانين خلال الساعات الماضية، عقب انتشار صورة لها برفقة عدد من الفنانات، وهن في حفل زفاف بالجونة، مساء أمس الجمعة، في نفس اليوم الذي تم دفن فيه صديقهم الفنان سمير غانم، مشيرة إلى أنها اعتذرت عن حضور حفل زفاف جاءت خصيصا له من دبي.

ونشرت الفنانة هالة صدقي، عبر صفحتها الشخصية بموقع التواصل الاجتماعي ”فيسبوك”، منشورًا كتبت فيه: : ”زي ما العزاء واجب الفرح كمان واجب، الفرح يوم في العمر وخصوصا لو حد عزيز عليه جدا ومنتظر أشاركه اللحظة دي، المعروف جدا أن أي فنان ووأولهم الفنان سمير غانم وينزل يعرض ويضحك ويسعد جمهوره لكن قلبه من جوه كله حزن.. وأكبر مثال العظيم عادل إمام دفن مصطفي متولي صاحبه وجوز أخته الضهر ونزل يعرض بليل وبما بعد ما نزلت الستاره انهار، ومش عادل بس لا في غيره وغيره وغيره”.

وأضافت: ”للاسف الفنان بيبقي مطلوب منه فوق طاقته واصحابه وحبايبه منتظرين منه اكتر.. عمر الحزن ما كان بلون الاسود او البكاء ،ولاد سمير النهارده مؤكد لابسين ملون علشان مامتهم ما تعرفش باللي هما فيه هل ده معناه انهم مش زعلانين ومقهورين علي باباهم”.

اقرأ أيضا إلهام شاهين: مش عايزة أكون أم.. وهربانة من المسؤولية

وتابعت: ”للأسف الفنان بيبقي مطلوب منه فوق طاقته وأصحابه وحبايبه منتظرين منه أكتر، وعمر الحزن ما كان بلون الاسود أو البكاء، ولاد سمير النهارده مؤكد لابسين ملون علشان مامتهم ما تعرفش باللي هما فيه هل ده معناه إنهم مش زعلانين ومقهورين على باباهم، وهي قدرات ممكن حد يقدر يتغلب على أحزانه وناس لا، وعلي فكره أنا مكنتش معزومة على الفرح اللي زملائي كانوا فيه، وكنت معزومة في فرح تاني خالص والنهارده كمان كان عندي فرح حد من أعز أصدقائي، وكلنا عارفين الأصول أن لما حد يموت نقفل التلفزيون وبلاش مزيكا وحاجات كلنا عارفينها، لكن للأسف في ظروف خارجة عن الإرادة وبدل ما نحاسب البشر واحنا عندنا رب هو المسؤول عن اللي في القلوب”.

واختتمت: ندعي للزميلة والأخت العزيزة دلال إن ربنا يقومها بألف سلامة وترجع لبيتها وولادها وتتحمل فراقها لحبيب عمرها شكرا لتفهمكم”.