الخميس 9 فبراير 2023
محطة مصر

    فن وثقافة

    القصة الكاملة لخناقة مها أحمد مع السقا و كرارة | تصريحات نارية تكشف المستور.. فيديو

    أحمد السقا و أمير كرارة و مها أحمد
    أحمد السقا و أمير كرارة و مها أحمد

    أثارت الفنانة مها أحمد ضجة واسعة بعدما فتحت النار على النجمين أحمد السقا و أمير كرارة بتصريحات صادمة تُسيء لهما و لتاريخهما الفني، ما جعلها تتصدر قائمة محتويات الأكثر بحثاً على مؤشر البحث العالمي جوجل ومختلف مواقع التواصل الاجتماعي خلال الساعات الأخيرة الماضية.

     

    اقرأ أيضاً..

    اقرأ أيضاً

    مها أحمد تفتح النيران: ”أنا لسه هفضفض”

    وجاء ذلك بعد ساعات من قرار المجموعة المتحدة للخدمات الإعلامية بوقف التعامل مع المخرج محمد سامي بسبب نهاية مسلسله الأخير "نسل الأغراب" الذي خاض به موسم الدراما الرمضانية لعام 2021، وكان من بطولة النجوم أحمد السقا وأمير كرارة وزوجته الفنانة مي عمر.

    وجهت مها أحمد رسالة غامضة شديدة اللهجة، لنجمين كبيرين دون ذكر اسهما، عبر حسابها الشخصي بموقع التواصل الاجتماعي الأشهر "فيسبوك"، حيث قالت:عوضي على الله دى الجملة اللى دايمًا بقولها لما اتصدم فاشخاص، الحكاية ياسادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أية زميلة لهم أقربها أنا".

    وتابعت: "النجم الأولانى بينى وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف أنى إضافة له اتهرب منى وموقفش جنبى وباعنى رغم أن الكل عارف أنى زى أخته (ندل)".

    وأضافت: "أما التانى كان فبداياته يتمنى يسلم عليا ويقولى يا أستاذة نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه طبعًا محكلكوش قد ايه ندمت نفسى وعشت أسود أيام حياتى عياط واكتئاب وقلت عوضى عليك يارب".

    وأردفت: "تمر الأيام والاتنين يعلو ويتجمعوا مع بعض فمسلسل واحد(على عينهم طبعًا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه أولى تمثيل وخبرة ويتحول المسلسل والدعاية الدراما كامله لصالحها وهما (مخدماتيه للأستاذة)".

    واختتمت مها رسالتها قائلة: "يمهل ولا يهمل، أبدوا من جديد يا أوفر تمثيل ياللى مبتقروش ياكمبارس جنب النجمة. نصيحة بلاش تتشطروا على اللى كان بينكم وبينهم عيش وملح بلاش تتشطروا على أساتذتكوا. (عوضنا على الله).. يارب متحوجنا لحد حتى ولو كان أقرب الناس لينا".

    انتشرت رسالة مها أحمد على نطاق واسع عبر صفحات السوشيال ميديا، مؤكدين أن فحوى الرسالة تؤكد أنها موجهة لكلاً من النجمين أحمد السقا و أمير كرارة، خاصةُ وأنها جاءت بعد ساعات قليلة من أزمة مسلسلهم "نسل الأغراب" الذي تسبب في وقف الشركة المنتجة مع المخرج محمد سامي.

     

    وانتقد البعض موقفها تجاه "السقا" و "كرارة" خصوصاً وأن الكل يشهد لهم بالجدعنة والوقوف بجانب الوجوه الشابة في بداية حياتهم ودعمهم و مساندتهم، في حين أيد البعض الآخر هجومها عليهما بسبب قبولهم بمثل هذه الأدوار التي قدموها بمسلسل نسل الأغراب.

    وفي سياق متصل، قامت "فاطمة السقا" شقيقة النجم أحمد السقا بشن هجوم على الفنانة مها أحمد رداًعلى رسالتها من خلال منشور طويل شاركته عبر حسابها الشخصي بموقع التواصل الاجتماعي الاشهر "فيسبوك" قائلة: "الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية .. و بانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه "ندل" اللى هو احمد السقا".

     

    وتابعت: "بس انا بقولك قدام الناس قطع لسان أى حد يقول عليه كده؛ لأنه راجل أكرمك و وقف جنبك انتى و مجدى بدل المرة ألف.. .. وأمير كرارة بردو راجل جدع و محترم للى ما يعرفهوش فى البوست بتاعك ده ".

    وأضافت: "معرفش ايه الفرص اللى كانت عندك اللى كان يتمنى يشتغل معاكى فيها زمان بس هو أى حد يتمنى يشتغل معاه دلوقتى أكيد .. و كلمة الدور بينادى صاحبه دى بتاعة أفلام .. ما بتتقالش فى الحقيقة .. كفايا دراما و تشويه للناس..و بعدين هما كممثلين مش مطالبين يقفو جنبك ولا يجيبولك أدوار على فكرة، دى رؤية مخرج و ناس بتوع كاستنج الحقيقة أنا مش عارفة أنتى عايزة ايه ..أنا مش شايفة بعد العشرة الطويلة اللى أنتى قولتى عليها غير كمية الحقد و السواد و الشماتة اللى كانو متداريين ورا ابتسامة كدابة معرفش انتى إزاى كنتى بتدخلى بيوتنا الصراحة وانتى ست وحشة كده". 

     

    واختتمت، قائلة: "نسيت أقولك السب والتطاول ده بيدل على الأصل.. وإحنا بقى ولاد ناس مع أننا عندنا كلام كتير أوى يتقال".

    لم تكتفِ والدة "السقا" برد ابنتها، بل أصرت السيدة "نادية السقا" على التدخل دفاعاً عن ابنها موجهة رسالة شديدة اللهجة للفنانة مها أحمد حيث قالت: "على الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة".

     

    وتابعت: "مهما حاولتي يا كومبارس ليس لك مكان بين الفنانين المحترمين وأن طلع العيب من أهل العيب ما يبقاش عيب".

    ومع تجاهل "السقا" كل هذه الضجة، لم يحتمل النجم أمير كرارة الوقوف صامتاً أمام كل هذه التهم الموجهة إليه من قبل الفنانة مها أحمد، ليخرج عن صمته من خلال تعليقه على منشور أحد أصدقائه من الصحفيين قائلاً: " يا خالد أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم".

    وتابع: "جملة الدور بينادي صاحبه دي أكيد معرفش بتتقال إزاي والله.. وسبحان الله مع إنها كانت مبسوطة من جملة كتع كسح كتل ومتكلمتش غير بعد قرار محمد سامي لما نزل".

    على صعيد آخر، وبعد هجوم جمهور "السقا" و "كرارة" عليها، خرجت مها أحمد، لتوضح تفاصيل مضمون الرسالة التي وجهتها عبر صفحتها الرسمية وسبب نشرها لها، وذلك من خلال فيديو بث مباشر من صفحتها الرسمية على موقع تبادل الصور والفيديوهات "انستجرام" حيث قالت: " أنا صحيت لقيت الدنيا مقلوبة من بوست انا كتبته بس معرفش ليه دي مش اول مرة اطلع احكي حاجة مضيقاني، اللي حصل فيه رد اعتبار ليا، أنا جالي اكتئاب وعيطت كتير جدًا وبتعالج من حسرتي لحد دلوقتي بسببهم، فلازم أعبر عن اللي جوايا لما تجيلي الفرصة أنا منمتش على حد أنا كتبت بصراحة شديدة ومش بشمت في حد".

    وتابعت: "ويوم ما أشمت أروح أشمت في نفسي إني أحسن من ناس كتير على الساحة ومش شغالة وربنا مراضيني إن معظم أعمالي بتطلع على الشاشة والناس حفظاها، ليه الناس زعلانة مش من حق حد يزعل أنا راضية عن اللي أنا عملته لأني مازلت بتعالج من رد فعل الزملاء، وأنا مش بكتب مذكراتي أنا ربنا بيوريني في حد أنا دخلت قولت للناس حصل كذا كذا، ربنا كبير واللي ميعجبهوش كلامي ميدخلش لأت لسه في حكايات كتير مع زملاء كتير هحكيها".

    وأردفت "مها" موضحة تفاصيل الموقف الذي جمعها بـ "السقا" و تسبب في خذلانها قائلة: " لجأت لأحد اصدقائي كان زميلي وزميل زوجي، وكان بيروح عند جوزي في بيته وأهل جوزي كانوا فاتحين ذراعيهم ليه والعكس، مش عيب أني أتكلم معاه وأعيط وأقوله أني حزينة بسبب قعدتي في البيت، قولت لمجدي أنا هكلم زمايلنا اللي هما نجوم وقوليلهم أني عايزة اشتغل، قالي متعمليش كده عشان متقلليش من نفسك".

    واستكملت حديثها قائلة: "معملتش بكلام مجدي وكلمته وعيطت، وابتديت ادخل في مرحلة اكتئاب لأني عايزة اشتغل، بعد يومين لقيته بيكلمني يقولي في دور حلو اوي، قالي بس كلمي المخرج وافهمي منه، وده مينفعش عشان لازم هم اللي يكلموني، ووافقت وأنا كنت في ساعتها في أشد الاحتياج أني اشتغل، اتفاجئت أنه اتبعتلي دور غير اللي قالي عليه، ومكنش فعال ومليش لازمة في المسلسل".

    وأضافت: "كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاته رغم أني كنت مترجماها على إنها سعي".

    كما انتقدت "مها" استبعادها من الأعمال الفنية، طوال الفترة الماضية، رغم موهبتها الكبيرة وعدد الأدوار التي قدمتها في بداية مشوارها الفني، مشيرة إلى أنها ظلت جالسة في المنزل لسنوات طويلة، بعد نقصان وزنها، وعدم طلبها من قبل المخرجين والمنتجين، مؤكدة أنها تعاني من الاكتئاب حتى الآن بسبب ذلك، حيث قالت: "جت عليا فترة لما كنت بكبوظة كنت بشتغل كويس جدًا ومكنتش محتاجة لحد والناس كلها كانت بتقربلي عايزة تشتغل معايا.. كنت البونبوناية بتاعتهم وبيحبوني".

    أما عن موقفها مع الفنان أمير كرارة قالت "مها" : " قابلت زميل تاني.. كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر، ويشوفني يقولي يا أستاذة وكنت بشوفه حد راقي كده من تعامله مع الناس واللي حواليه، وقولت يابت مافيش مشكلة في نوع من العشم، دخلت وقولتله مبروك إيه بقى مش هنشتغل مع بعض، راح باصصلي كده وقايلي الدور بينادي صاحبه طبعًا أنا استغربت للرد، كان ممكن يقولي ربنا يسهل أو حاجة".

    وتفاعل الجمهور مع كلام الفنانة مها أحمد، حيث انقسمت آرائهم ما بين مهاجم و مدافع، فالبعض انتقد أسلوبهاو هجومها على زملائها من الوسط الفني أياً كانت الأسباب بهذا الشكل الغير لائق، في حين دافع البعض عنها مؤكداً أنها فنانة محترمة ومجتهدة ولها أعمال فتية لا تُنسى، هي وزوجها الفنان مجدي كامل ولا تستحق كل هذا الهجوم أو الإهمال من قبل المنتجين و المخرجين.

    واستكمالاً لحلة الهجوم على الفنانة مها أحمد، وجهت لها المؤلفة والناقدة "ماجدة خير الله" رسالة شديدة اللهجة عبر حسابها الشخصي على موقع التواصل الاجتماعي الاشهر "فيسبوك" قائلة: "أحمد السقا، وأمير كراره اشتركا في بطوله أكثر مسلسلات هذا العام فشلا، لكن كل منهما يستند إلى تاريخ من النجاح التجاري يمتد لعشرين عاما علي الأقل، إنتي مين بقي؟؟ وقدمتي إيه في حياتك يذكرك الجمهور به؟ علشان تتطاولي علي ناس بتنجح وتفشل وتقع وتقوم تاني، ولاتتوقف عن الاجتهاد ومحدش منهما دخل هذا المجال بالواسطة، ورمى الجته!".

    اقرأ أيضاً..

    بسمة وهبه كلمة السر وراء قرار المتحدة بإيقاف التعامل مع محمد سامي

    نهاية شهر العسل بين المجموعة المتحدة ومحمد سامي

    محمد الباز :”المتحدة ”أوقفت التعامل مع المخرج محمد سامي

    ”محطة مصر ” تكشف أسباب قرار المتحدة بإيقاف التعامل مع المخرج محمد سامي

    أحمد السقا يكشف عن صورة جديدة من فيلم السرب

    مها احمد احمد السقا امير كرارة خناقة مها احمد مع السقا وكرارة محمد سامي شركة المتحدة سبب خلاف مها احمد مع السقا وكرارة ماجدة خير الله نسل الاغراب مجدي كامل والدة السقا مي عمر فاطمة السقا فيد

    أسعار العملات

    العملةشراءبيع
    دولار أمريكى​ 29.526429.6194
    يورو​ 31.782231.8942
    جنيه إسترلينى​ 35.833235.9610
    فرنك سويسرى​ 31.633231.7363
    100 ين يابانى​ 22.603122.6760
    ريال سعودى​ 7.85977.8865
    دينار كويتى​ 96.532596.9318
    درهم اماراتى​ 8.03858.0645
    اليوان الصينى​ 4.37344.3887

    أسعار الذهب

    متوسط سعر الذهب اليوم بالصاغة بالجنيه المصري
    الوحدة والعيار الأسعار بالجنيه المصري
    عيار 24 بيع 2,069 شراء 2,114
    عيار 22 بيع 1,896 شراء 1,938
    عيار 21 بيع 1,810 شراء 1,850
    عيار 18 بيع 1,551 شراء 1,586
    الاونصة بيع 64,333 شراء 65,754
    الجنيه الذهب بيع 14,480 شراء 14,800
    الكيلو بيع 2,068,571 شراء 2,114,286
    سعر الذهب بمحلات الصاغة تختلف بين منطقة وأخرى

    مواقيت الصلاة

    الخميس 05:01 صـ
    19 رجب 1444 هـ 09 فبراير 2023 م
    مصر
    الفجر 05:12
    الشروق 06:40
    الظهر 12:09
    العصر 15:15
    المغرب 17:38
    العشاء 18:57

    استطلاع الرأي