إيهاب توفيق يكشف علاقة ”الكينج” بسرقة هاتفه في زفاف نجلة فيفي عبده

كشف المطرب إيهاب توفيق، عن حقيقة واقعة سرقة هاتفه فى فرح ابنة الفنانة فيفي عبده، وروى التفاصيل قائلا: "رحت فرح بنت فيفي عبده في أحد فنادق مصر الجديدة وكنت معزوم وأول ما دخلت كان فى تربيزة عليها مجموعة من اصحابي وحطيت التليفونات بتاعتي وبعدين تحركت فى القاعة للسلام على أصدقائي، وبعد ما رجعت ملقتش التليفونات".

وأكد الفنان ايهاب توفيق، خلال لقاءه ببرنامج "شيخ الحارة والجريئة" مع المخرجة ايناس الدغيدي على قناة القاهرة والناس، أنه اعتقد فى البداية أنها دعابة من أحد الحضور ولكن مع مرور الوقت شعرت بالقلق، مضيفا: "فيفي عبده حسيت بحركة فقالت لها وسابت الفرح وقعدنا نلف ندور على التليفونات".

وتابع: "الكينج محمد منير كان بيغني فى الفرح وحاطط تليفوناته على نفس تربيزتي وبعد انتهاء فقرته اخذ كل الهواتف بتاعته وبتاعتي ومشي، وأنا قلت التليفونات اتسرقت، وبعد حوالى نص ساعة تدوير لقيت مدير اعمال محمد منير مرجع التليفونات وبيوضح سوء التفاهم، وكانت ليلة قلبي وقع فيها".
https://www.youtube.com/watch?v=iqoZl4NI3d0