إيهاب توفيق: ”فوجئت بمعجب بيفتح باب أوضة نومي وقلت له أنت مين”
كشف المطرب إيهاب توفيق، عن موقف طريف تعرض له، قائلا: "كنت فى مرة مستنى صديقي حمدي صديق الملحن عشان نسمع ألحان ونقعد قعدة شغل، وعادة حمدي بيجي يطلع وهو من اصحابي المقربين ويطلع يستناني فى اى حته في البيت وبلغت أفراد الأمن تحت البيت ان الاستاذ حمدي الملحن جاى".
وأضاف المطرب ايهاب توفيق، فى لقاء ببرنامج "شيخ الحارة والجريئة" مع المخرجة ايناس الدغيدي، على قناة القاهرة والناس، "دخلت استحمى وطالع البس هدومي لقيت حد بيفتح باب الاوضة وداخل، وقلت له انت مين يا ابنى ولما سألت الامن مين ده افتكروه حمدي صديق".
وتابع: "طلع واحد جاي بالصدفة يعرض اغاني وعايز يوصلهم لي وراح الامن مطلعينه وفجأة الراجل لقى نفسه فى الأوضة بتاعتي ووضحت له الموقف وانصرف".
