تامر عاشور يرد على الانتقادات الموجهة له بعد السخرية من طفلة مصابة بالسرطان

قام الفنان تامر عاشور بالرد على الانتقادات الموجهة له بعد نشره لصورة عبر حسابه الشخصي على مواقع التواصل الاجتماعي مع فتاة مصابة بالسرطان وهو يعطيها فاكهة معلقا على الصورة (لا خدي انتي، انا صايم يافاطرة بحبك).

مما أدى لانزعاج الجمهور ظنا منهم أنه يقوم بالسخرية من الفتاة، لذلك قام تامر عاشور بالرد على هذه الانتقادات من خلال منشور له على صفحته الشخصية بمواقع التواصل الاجتماعي حيث قال: (أنا طول حياتي ومشواري عمري ما اتريقت على حد سليم علشان أتريق على مريض -حاش لله- واللي أخد كلامي تريقة على مريض نفوسهم ضعيفة وهم اللي بيفرقوا بين المريض والشخص الطبيعي).

واستمر قائلا: «لو نزلت صورتي مع أي طفل (اللي هو غير مُكلف بالصيام) وقولتله بأي طريقة ما تشربش مياه قدامي يا فاطر أو خد دي يا فاطر أنا صايم حد هيتكلم؟، مستحيل علشان طفل طبيعي لكن المريض لأ منهزرش معاه زي الطبيعي علشان هو مريض ونفضل نقوله مريض ونحسسه بمرضه من تعاملاتنا».

ويستكمل: «المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض.. المرض الحقيقي هو أن فكرة (المعايرة) جاتلك قبل 100 فكرة تانية ممكن تاجيلك من جمال البنت وضحكها وبهجة الصورة».