المحمدي: أزمة «وردة» كان ممكن تتحل بشكل أفضل وصلاح الأجدر بشارة القيادة

يرى أحمد المحمدي الظهير الايمن لنادي أستون فيلا أن أزمة عمرو وردة خلال بطولة أمم إفريقيا السابقة كان من الممكن أن يتم حلها بشكل أفضل.

وقال المحمدي في تصريحات لبرنامج الماتش الذي يقدمه الاعلامي هاني حتحوت عبر شاشة صدى البلد " مساندتي لعمرو وردة كانت في مرحلة وعدت، معتقدش ان ده يكون سبب في دماغ المدير الفني اني ابقى مستبعد من المنتخب".

وتابع "حسام البدري هو الي يقدر يجاوب اذا كان ده سبب ولا لا، لكن لما تيجي تبص للمشكلة دلوقتي كان ممكن تتحل بشكل أفضل بس الواحد بيتعلم بقراراته ويكون في حل أفضل، تعاملي مع عمرو وردة عادي من فترة لفترة ".

وأضاف "لو انا هختار كابتن منتخب مصر، محمد صلاح الأجدر، خبرات وضغوطات كبيرة بيتعرض ليها، عارف ازاي يتعامل ازاي مع المواقف المختلفة وهو الأنسب من بين العناصر الحالية".