أول ظهور للثنائي ريهام عبد الغفور وزوجها مع أبلة فاهيتا

حلت الفنانة ريهام عبد الغفور، مع زوجها شريف الشوبكي، في أول ظهور لهما سويا في برنامج الدوبلكس مع أبلة فاهيتا على قناة "ON E".

وقصت ريهام عبد الغفور بداية لقائهما في حفلة، وعلق الشوبكي: "أنا اللى عاكست ريهام فى الأول بس هى ضحكت عليا واتجوزتنى".

وعلقت ريهام علي موهبة التصوير عند زوجها "هو مكنش لية في التصوير بس أول ما ارتبطنا ببعض أخد كورس مكثف من التصوير عشان يصورني"، وأنه بيصورها مع المعجبين.

ومن جانبه كشف الشوبكي بدايته مع لعب الطبلة قائلا: "بدأت ألعب مزيكا وأنا في المدرسة تقريبا في خامسة ابتدائى، وكملت بعد كدة وقابلت ناس أتراك في سنة 1999، وقعدت كام شهر اتعلمت أكتر منهم على آلة الطبلة وبقيت بحب ألعبها".

وعلقت ريهام " الطبلة سببتلي مشاكل كتير زمان أول ما كنا مرتبطين"

وأضافت ريهام عبد الغفور "أنا مش بعرف أرقص وفاشلة في الرقص البلدى تماما، والمرة الوحيدة اللي شافنى برقص فيها كنت بتمرن عشان دورى في مسلسل حارة اليهود، وهو كان بيحاول يمرنى ويطبل " وعلق علي رقصها " عاجبني احساسك بالمزيكا"

وفي ختام الحلقة قام شريف الشوبكي بالطرق على الطبلة على أنغام أغنية "بيلا تشاو".