السيسي: المسئولية مشتركة علشان البلد تتحرك ..وهبقى عندنا سكة 100 % بعد الميكنة الكاملة

 

أكد الرئيس عبد الفتاح السيسي أن كل وزراء النقل السابقين يعلمون ويرغبون في التغيير داخل القطاع.

 

وقال الرئيس السيسي : "الناس دى مش موجودة معانا.. هو احنا خلصنا ميكنة السكة كلها.. لا لسه.. بقول كده للناس تسمع ده.. الميكنة يعنى أيه.. يكون عندنا ألية حديثة تنظم الحركة والعمل على السكة الحديد بشكل بدون تدخل بشرى أو أقل حجم من التدخل البشرى.. وبالتالي لا يوجد أخطاء".
 

وأضاف الرئيس السيسي: "إجراءات الأمان مع البشر بتكون أكبر وتأخد وقتا أطول.. المكنة مش بتغلط.. احنا نقدر نقول بالمطلق بقى عندنا سكة 100 % بعد الميكنة الكاملة.. لما بنتكلم على حركة يعنى معدات.. وبنية أساسية ورفع الكفاءة.. والخطوط والمكينة.. الأرقام المالية دى كبيرة اوى.. كان ممكن نقول ميكنة كل منطقة والتكلفة كام .. والمنطقة دى من أجل الميكنة تم الحصول على قرض من اليابان بكذا.. وهكذا كل منطقة يتم الميكنة فيها.. علشان الناس تبقى عارفه انه الكلام ده مش بموازنة الدولة.. ده عبء على الدولة والأجيال القادمة.. علشان محدش يقولى فين الرحمة".
 

وتابع الرئيس عبد الفتاح السيسي: المسئولية مشتركة علشان البلد تتحرك.. لما نخلص ميكنة السكة الحديد هتكون زيها زى أي دولة متقدمة".

 

جاء ذلك خلال تفقد الرئيس عبد الفتاح السيسي اليوم مصنع اليوريا ونترات الأمونيا بمنطقة كيما بمحافظة أسوان.وتأتي افتتاحات المشروعات القومية ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددًا من المجمعات الصناعية والمحاور والطرق لا سيما المحاور العرضية على نهر النيل.