«الشللية وعدم المسؤولية».. فادية عبد الغني تفند عيوب الوسط الفني

تعتبر الفنانة فادية عبد الغني واحدة من ألمع وأجدر نجوم الوسط الفني، ولأهميتها يستعرض موقع محطة مصر اليوم أسوأ عيوب الوسط الفني وفقاً لما ذكرته فادية عبد الغني في حوار صحفي أجرته معها مجلة الكواكب في العدد رقم 2492 الصادر في مايو لسنة 1999.

 

عيوب الوسط الفني :

أولاً عدم الإحساس بالمسؤولية :

سأل الصحفي أحمد سالم الفنانة الجميلة فادية عبد الغني عن أسوأ عيوب الوسط الفني في رأيها وأجابته بمجموعة من العيوب وأولها عدم الإحساس ذاكره "أنا شايفة إن الناس زمان كانوا أكثر إلتزاماً وأكثر إحساساً بالمسؤولية.

 

ثانياً إختفاء صانع النجوم :

أوضحت تلك النقطة قائلة " يعني النهاردة مفيش عندنا واحد زي رمسيس نجيب يلقط المواهب الجديدة ويتبناها ويصنع منها نجوم بمعنى الكلمة".

 

ثالثاً الإستعجال :

وأوضحت تلك النقطة خاصة وجودها بين الشباب قائلة "كل واحد فيهم مشتت نفسه في 5 او 6 أعمال في الوقت نفسه لأنه عايز الموبيل والعربية آخر موديل والفلوس وأنا مش فاهمة هما مستعجلين قوي كدا ليه، بالعكس أنا شايفة إنهم واخدين فرص عمرنا ما حلمنا بها وإحنا في نفس سنهم يعني زمان كنا بنسمع عن المعاناة الفظيعة اللي بيمر بيها الفنان وإحنا جيلنا مر بيها".

وأوضحت قائلة " أنا مش ضد إن الجيل الجديد ياخد الفرص لكن أنا ضد أن تعطيها لكل من هب ودب موهوب أو غير موهوب.

رابعاً الشللية :

أوضحت هذا العيب قائلة " يعني تلاقي مجموعة دايماً تظهر مع بعض صحيح ممكن تكون ميزة لأن فيه فنانين مش بيرتاحوا إلا مع بعض نفسياً ولكنها عيب في الوقت ذاته لأن الجمهور بيمل بعد فترة من تكرار نفس المجموعة مع بعض ويحس أن الأعمال كلها شبه بعض".