حيلة شيطانية لتصوير السيدات.. فتاة تكشف سر صاحب محل العمرانية | فيديو
حالة من الجدل، شهدها الشارع المصري، أمس الخميس، بعدما ألقت الأجهزة المنية القبض على نجل صاحب محل ملابس شهير بالعمرانية في الجيزة، لتجسسه على الفتيات والسيدات خلسة أثناء قياس الملابس داخل "البروفة"، وتصويرهن من فتحة سرية صنعها خصيصًا لهذا الغرض.
تفاصيل ضبط صاحب محل العمرانية
بعد واقعة محل العمرانية.. ازاي تعرفي مكان الكاميرا السرية في «البروفة»؟ونشرت فتاة تدعى "دميانة جودة"، والتي حضرت الواقعة مع صديقتها التي تجسس عليها الشاب أثناء قياس فستانها الجديد، مقاطع فيديو عبر حسابها على موقع التواصل الاجتماعي "فيسبوك"، كشفت خلالها الحيلة الشيطانية التي استخدمها الشاب صاحب محل العمرانية لتصوير الفتيات.
وكتبت "دميانة"، التي كشفت سر صاحب محل العمرانية : "امبارح بعد ما خلصنا محاضرات فالمعهد ومروحين عدينا أنا وصاحبتي على محل ملابس حريمي مكانه في شارع فاطمة رشدي، ولقيت فستان عجبها دخلت تقيسه، وبعد ما هي دخلت البروڤة لقيت الولد اللي واقف فالمحل ساب المكان ودخل فتح ستارة اخر المحل ودخل وراها، فأنا افتكرت انها ممكن تكون نادت عليه يجبلها مقاس تاني او ينورلها نور البروڤة وأنا مش سامعه بسبب الأغاني".
https://www.facebook.com/100004045792417/posts/2493474727464029/?d=n
حيلة شيطانية من صاحب محل العمرانية
وتابعت الفتاة: "بس لقيته اتأخر وأنا قلقت على صاحبتي يكون حاول يضايقها جوا فرحت فتحت الستارة عشان اشوف ايه اللي بيحصل، لاقيته موطي ورافع حاجة قدامه وبيبص فيها والموبايل في ايده ولما شافني اتنفض وعدل نفسه ف سألته هي البنت اللي معايا فين قالي لا هي مش هنا دي برا، البروڤة الناحية التانية ف أنا اتخضيت ودورت على باب البروڤة وخبطت على مريم تخرج بسرعة لأني حسيت إن في حاجة غلط بتحصل ولقيت الولد اترعب وساب المكان الي كان واقف فيه وراح ناحية باب المحل فرحت ابص هو ايه الحاجة الي كان رافعها وبيبص فيها وبعدين اكتشفت انه عامل فتحة فالبروڤة ومداريها بكيس اسود و انه كان داخل بيتفرج على صاحبتي وهي بتقيس الفستان وبصيت من الفتحة وشوفت مريم فعلا".
وأضافت: "بدأت ازعق واشتم واهدده واواجه بالي شفته واني هعمل محضر وإني مش هعدي الي حصل دا وهو طبعا انكر دا تمام بعدها صاحبتي خرجت وادركت الي كان بيحصل وابتدينا نزعق فيه سوا".
وتابعت: بس للحظة ادركت ان الزعيق معاه مش هيجيب نتيجة فخرجت على باب المحل و فتحته وناديت الرجالة الي في الشارع وطلبت منهم يدخلو يقفو معانا لأن في مشكلة الناس دخلت فعلا و كانو متعاونين جدا و فهمو مننا الي حصل و اخدو من الولد موبايله وادوهلنا عشان نتأكد اذا كان صور صاحبتي ولا لا.. هو مكنش لحق صورها هي، لكن شفت صور لبنات تانية فالبروڤة متصورين من نفس المكان ولابسين ملابس داخلية فقط و صور بنات عريانه فالعموم".
https://www.facebook.com/demiana.goda/videos/284142823510866/?t=1
ليست المرة الأولى
واستطردت: "وبعدها اتصلت بالنجدة وعملت محضر وبعتولنا بعدها عربية بوليس على العنوان واتحركنا على قسم العمرانية، واكتشفنا واحنا بنعمل المحضر إن دي مش أول مرة وإن دي تالت مرة يتعمل للولد دا محضر ويطلع بعدها بيومين عشان البنات مكنتش بتكمل للنيابة، للأمانه الإجراءات مشيت هناك بشكل سلس جدا والناس كانو محترمين و روحنا انهاردة النيابة نكمل باقي الإجراءات و وكيل النيابة يسمع الواقعة وقعدنا هناك فوق ال ٨ ساعات من ١٠ ل ٦ ونص بعد ما خلصنا وكيل النائب العام قالنا إن الولد دا خلاص القضية لابساه وكلها كام يوم وياخد حكم".
تحذير للفتيات
وحذرت "دميانة، الفتيات، قائلة: "لحد ما دا يحصل أو يحصل عكسه اتمنى البنات تخلي بالها وتبقى واعية كويس بكل حاجة بتحصل حواليها، واوعي اوعي تسكتي عن حقك او تخافي محدش يصدقك، اطلبي المساعدة وهتلاقي ألف من يقف جمبك حتى لو مش هيوصل إنك تعملي محضر حتى لو بس هتزعقي أو تفهمي الي قدامك إنك مش خايفة منه دا كفاية يخليه ميعملش دا تاني، و حاجة كمان المحل دا بيبيع لانچري وملابس داخلية وبيسمح بقياسها مع إن دا ممنوع!! ف في الغالب أي حد يعرف المحل و دخله حصل معاه نفس الموقف".
تحريات النيابة
وأمر العميد عمرو حجازي، مفتش المباحث، بتفتيش هاتف المتهم صاحب محل العمرانية، وخلال فحص هاتف عثر على نحو 15 صورة، ولا توجد مقاطع فيديو.
كانت تحريات الأجهزة الأمنية بالجيزة، قد كشفت واقعة ضبط صاحب محل شهير يقوم بالتجسس على الزبائن من السيدات والفتيات، خلسة أثناء استخدم البروفه -المكان لمخصص لقياس الملابس، من فتحة سرية صنعها لذلك الغرض، أنه سبق وألقي القبض عليه في واقعة مماثلة وتم غلق المحل.
البداية كانت بتلقي الرائد إسلام السيد رئيس مباحث قسم شرطة العمرانية بمديرية أمن الجيزة، إشارة من غرفة عمليات النجدة من طالبتين بأنهما أثناء تواجدهما داخل محل ملابس شهير بشارع فاطمة رشدي بدائرة القسم، فوجئا بقيام صاحب المحل بالتجسس عليهن وتصويرهن خلسة من فتحة سرية بالمكان المخصص لقياس الملابس.
وانتقلت قوة أمنية إلى محل البلاغ وبالفحص تبين صحة ما جاء في البلاغ وبفحص هاتف المتهم تبين احتوائه على عدد كبير من صور الفتيات والسيدات أثناء تواجدهم بالمكان المخصص لقياس الملابس داخل المحل، وتم اقتياد المتهم لديوان القسم.
